Bu gün Azərbaycanın qadın voleybolçulardan ibarət milli komandası Qızıl Avropa Liqasında mübarizəyə başlayıb.
Sportnet.az-ın məlumatına görə, A qrupunda yer alan millimiz ilk görüşünü Ukrayna yığmasına qarşı keçirib. Faiq Qarayevin rəhbərlik etdiyi kollektiv ilk setdə uduzsa da, sonrakı üç seti üstün başa vuraraq, əzmkar qələbə qazanıb - 3:1.
Qızıl Avropa Liqası
18:00. Azərbaycan - Ukrayna - 3:1 (16:25, 25:19, 25:23, 28:26)
Hakimlər: Epaminondas Gerotodoros (Yunanıstan), Eldar Əliyev (Azərbaycan)
Qrupun digər görüşündə Bolqarıstan Portuqaliyanı məğlubiyyətə uğradıb - 3:0 (25:13, 25:18, 25:19).
Azərbaycan millisi növbəti turda Portuqaliyanı qəbul edəcək. Mayın 23-də Voleybol Mərkəzində keçiriləcək görüş saat 18:00-da başlanacaq. Həmin gün Bolqarıstan Ukraynanı qəbul edəcək.
