Bakının "İnter" klubunun Avropa Liqasının II təsnifat mərhələsindəki rəqibi "Hafnarfyördur" İslandiya çempionatında növbəti ev oyununa çıxıb. Sportnet.az-ın məlumatına görə, XI turda rəqib "Fülkir" komandası olub.
Görüş 2:2 hesablı heç-heçə ilə nəticələnib. Bütün qollar fasilədən sonra vurulub. Meydan sahiblərindən 57-ci dəqiqədə Bodvar Bodvarsson və 90-cı dəqiqədə Brünyar Asgeir Qudmundsson fərqlənib. Heç-heçəyə baxmayaraq, 24 xala malik "Hafnarfyördur" liderliyini davam etdirir.
Qeyd edək ki, "İnter" ilk oyunu səfərdə keçirəcək. Matç Bakı vaxtı ilə 17 iyul saat 00:15-də başlanacaq.
