İspaniya Super Kuboku uğrunda "Atletik" və "Barselona" komandaları arasında ilk görüş keçirilib. Sportnet.az-ın məlumatına görə, Bilbaodakı "San-Mames" stadionunda baş tutmuş qarşılaşma meydan sahiblərinin böyük hesablı qələbəsi ilə yekunlaşıb - 4:0.
İlk qolu 13-cü dəqiqədə Mikel San Xose vurub. Qalan 3 qol isə fasilədən sonra vurulub. 53, 62 və 68-ci dəqiqələrdə Arits Adurits "het-trik" edib. Sonuncu qol penaltidən qeydə alınıb. Cavab görüşü avqustun 18-də Bakı vaxtı ilə saat 01:00-da olacaq.
