Avropa Liqası, VI tur 11 dekabr 21:00. "Qarabağ” – "İnter” 0:0 (OYUN BİTDİ) Baş hakim: Miroslav Zelinka (Çexiya) Köməkçi hakimlər: Ondraj Pelikan, Jiri Molaçek (hər ikis Çexiya) Əlavə köməkçi hakimlər: Pyotr Ardeleanu, Jan Jilek (hər ikisi Çexiya) Bu gün "Qarabağ" klubu Avropa Liqasında tarixi oyuna çıxacaq. Sportnet.az-ın məlumatına görə, rəqib İtaliyanın "İnter" klubu olacaq.
Tofiq Bəhramov adına Respublika stadionunda keçiriləcək qarşılaşmanı çexiyalı hakimlər briqadası idarə edəcək. Matçın baş hakimi Miroslav Zelinka olacaq. Ona yan xətt hakimləri qismində Ondrjey Pelikan və İrji Molaçek, əlavə köməkçi hakimlər kimi Pyotr Ardeleanu və Jan Jilek, 4-cü hakim olaraq Antoni Kardula yardım edəcək.
Artıq "İnter" 11 xalla F qrupunun lideri kimi növbəti mərhələyə vəsiqəni təmin edib. "Qarabağ" və Fransa "Sent-Etyen"i hərəyə 5, Ukrayna "Dnepr"i isə 4 xalla sonrakı yerləri bölüşdürürlər. Qəbələ heç bir halda Ağdam komandasını qane etmir. Heç-heçə təqdirində isə paralel qarşılaşmada da qalib müəyyənləşməməlidir. İstənilən halda, "Qarabağ"ın taleyi öz əlindədir və tarixi uğur - 1/16 final mərhələsi çox yaxındadır.
Hər iki komanda oyuna aparıcı futbolçu itkisi ilə çıxacaq. "Qarabağ"ın heyətində Reynaldo, Çumbinyo və Danilo Dias zədəlidirlər. Premyer Liqanın ötən turunda "Neftçi" ilə görüşdə topuğundan xəsarət alan Bədavi Hüseynovun da meydana çıxacağı sual altındadır. "İnter"də isə əsas heyətin əksər üzvləri Bakıya gətirilməyib. Hətta təcrübəli Nemanya Vidiç son anda heyətdən çıxarılıb.
Beləliklə, "Qarabağ" bu axşam tarixi fürsətdən yararlanmalıdır. Bu işdə azarkeş amili də az rol oynamayacaq. Təmsilçimiz qrup mərhələsindəki ev oyunlarında qazana bilmədiyi qələbəni məhz "İnter"lə görüşdə gerçəkləşdirmək əzmindədir.
F qrupu
"Qarabağ": 13.İbrahim Şehiç, 2. Qara Qarayev, 5. Maksim Medvedev, 10. Muarem Muarem, 14. Rəşad Sadıqov (kap.), 17. Vüqar Nadirov, 20. Riçard Almeyda, 25. Ansi Aqolli, 41. Leroy Corc, 55. Bədavi Hüseynov, 99. Namiq Ələsgərov
Ehtiyat oyunçular: 1. Fərhad Vəliyev, 3. Tərlan Quliyev, 6. Hacı Əhmədov, 7. Namiq Yusifov, 18. İlqar Qurbanov, 24. Admir Teli, 77. Cavid Tağıyev
Baş məşqçi: Qurban Qurbanov
"İnter": 30. Xuan Pablo Karrizo, 6. Marko Andreolli (kap.), 7. Pablo Osvaldo, 14. Uqo Kampanyaro, 20. Joel Obi, 25. İbrahima Mbaye, 33. Danilo D Ambrozio, 44. Rene Krhin, 54. İsaak Donkor, 90. Yan Mvila, 97. Federiko Bonatsoli
Ehtiyat oyunçular: 95. Davide Kosta, 46. Tommaso Berni, 24. Ciakomo Skiaçça, 92. Enriko Baldini, 93. Federiko Di Marko, 96. Andrea Palatsi
Baş məşqçi: Roberto Mançini
Dördüncü hakim: Antoni Kardula (Çexiya)
Hakim inspektor: Raymond Ellinqham (Uels)
UEFA nümayəndəsi: Genadiy Şkurtul (Moldova)
