Ermənistan idmançılarının "Bakı 2015" I Avropa Oyunlarında iştirak edib-etməyəcəklərinə martın 10-da aydınlıq gələcək. Sportnet.az-ın məlumatına görə, bu gün Ermənistan Milli Olimpiya Komitəsinin iclası keçiriləcək.
Toplantıda sözügedən məsələ ilə bağlı yekun qərar veriləcək. İclas öncəsi Ermənistanın bəzi aparıcı idmançıları və mütəxəssisləri Bakıya səfərin əleyhinə olduqlarını bildiriblər. Onlar Azərbaycanda erməni idmançıları qələbələrinin "oğurlanacağını" bəhanə ediblər. Düşmən ölkənin gimnastika və güləş federasiyaları da onları dəstəkləyiblər. Lakin Ermənistanın idman naziri Qabriel Kazaryan Avropa Oyunlarına qatılmalarının vacibliyini dilə gətirib.
Qeyd edək ki, I Avropa Oyunları iyunun 12-də start götürəcək.
