Hollandiyanın Veyk-an-Zeye şəhərində keçirilən şahmat üzrə Tata Steel Chess superturnirində üçüncü tura yekun vurulub.
Sportnet.az-ın məlumatına görə, yarışda Azərbaycanı təmsil edən Şəhriyar Məmmədyarov turu heç-heçə ilə başa vurub. 33 yaşlı qrossmeyster ağ fiqurlarla rusiyalı Maksim Matlakovla qarşılaşıb.
Görüş 25-ci gedişdə heç-heçə başa çatıb. Bu nəticədən sonra Məmmədyarov aktivindəki xalı 2-ə çatdıraraq, 3 - 5-ci yerləri bölüşdürür. Hazırkı dünya çempionları Vişvanatan Anand (Hindistan) və Aniş Giri (Hollandiya) 2.5 xalla turnir cədvəlinə başçılıq edir.
Qeyd edək ki, yanvarın 16-da keçiriləcək 4-cü turda Şəhriyar Məmmədyarov qara fiqurlarla Sergey Karyakinlə üz-üzə gələcək.
