"MotoGP" üzrə dünya çempionatının dəfələrlə qalibi olan məşhur italyan pilot Valentino Rossi məşq zamanı qəza keçirib.
Sportnet.az İtaliya mətbuatına istinadən məlumat verir ki, 38 yaşlı pilot doğulduğu Urbino şəhərində motosikleti ilə etdiyi məşq zamanı qəzaya uğrayıb. Dərhal şəhərdə yerləşən dövlət xəstəxanasına aparılan Rossinin sağ ayağında, topuq və diz nahiyəsində xeyli qırıqların olduğu məlum olub. Məşhur pilotun bir müddət yarışlardan kənar qalacağı da bildirilib.
Qeyd edək ki, Valentino Rossi 9 dəfə "MotoGP" yarışlarının qalibi adını qazanıb.
