Bir neçə gün öncə Barselonada sınaq yürüşü zamanı qəzaya uğrayan "McLaren"in pilotu Fernando Alonsonun yaddaşının itdiyi bildirilib. Sportnet.az-ın "El Pais"ə istinadən məlumatına görə, xəstəxanada olan pilotun son 20 ildə olanları xatırlamadığı bildirilib.
Barselonada yerləşən "Sant Pau" xəstəxanasının nevrocərrahiyə şöbəsinin baş həkimi Rafael Blesa nəşrə verdiyi açıqlamada bununla bağlı testlərin müsbət nəticələndiyini, heç bir risqin olmadığını deyib.
İtaliyanın "Messaggero", "Corriere della Sera", "La Gazzetta dello Sport" qəzetləri də məsələ ilə bağlı məqalələr dərc edib. Nəşrlər pilotun sağlamlığını şübhə altına alan məqalələr dərc edib.
Qeyd edək ki, Fernando Alonso fevralın 22-də Barselonada test yürüşü zamanı dəmir çəpərə çırpılmışdı. Bundan sonra o tibbi helikopterlə xəstəxanaya aparılıb.
