III MDB Oyunlarının proqramına daxil olan boks yarışlarında final döyüşləri keçirilib.
Sportnet.az xəbər verir ki, Yevlax Olimpiya İdman Kompleksində qızların həlledici qarşılaşmalarında Azərbaycan boksçusu Gülər Hüseynova (48 kq) rusiyalı Darya Qavrinaya qalib gələrək qızıl medala sahib çıxıb.
Aysel Fərəcova (46 kq), Əminə Tağı (50 kq), Cəmilə Muradlı (54 kq), Aynur İsmayılova (60 kq) və Fidan Bakarova (63 kq) finalda rəqiblərinə uduzub və ikinci yerlə kifayətləniblər.
Aylin Nəzərova (46 kq), Zəhra Məmmədova (52 kq) və Mirrüqeyya Azərpur (57 kq) bürünc medallar qazanıblar.
Beləliklə, Azərbaycanın qadın boksçuları turniri 1 qızıl, 5 gümüş və 3 bürünc medalla başa vurublar. Onlar MDB Oyunlarında həm medalların əyarında, həm də sayında yeni rekord müəyyənləşdiriblər.
Qeyd edək ki, yarışın son günündə – oktyabrın 5-də isə oğlan boksçular final döyüşünə çıxacaqlar. Artıq aktivində 9 bürünc medal olan Azərbaycan komandası 5 çəkidə final qarşılaşmasında qızıl medal uğrunda mübarizə aparacaq.
-----------------------------
Azərbaycan boksçusu Gülər Hüseynova III MDB Oyunlarında qızıl medal qazanıb.
Sportnet.az-ın məlumatına görə, Yevlax Olimpiya İdman Kompleksində təşkil olunmuş yarışın finalında Gülər Hüseynova 48 kq çəki dərəcəsində qalib olub.
O, finalda rusiyalı Darya Qarinanı yenib - 4:1.
Aysel Fərəcova (46 kq) finalda rusiyalı Viktoriya Klimovaya 0:4, Əminə Tağı (50 kq) isə özbəkistanlı Nazokat Mardanovaya 1:4 hesabı ilə uduzaraq, gümüş medalla kifayətlənib.
