Azərbaycanın taekvondo üzrə əsas və gənclərdən ibarət yığma komandaları Hollandiyanın Eyndhoven şəhərində keçirilən "Dutch Open"in ilk günündə 5 medal qazanıblar.
Sportnet.az-ın məlumatına görə, idmançılar 2 qızıl, 1 gümüş və 2 bürünc medal qazanıblar. Böyüklərdən Ramin Əzizov (87 kq) və Fəridə Əzizova (67 kq) qarşılaşdığı bütün rəqiblərə qalib gəlib. Ayxan Tağızadə (68 kq) isə yarımfinalda uduzub.
Gənclərdən isə Ayaz Qənbərli (51 kq) final, Cavad Ağayev (63 kq) yarımfinal görüşündən məğlub ayrılıb.
Qeyd edək ki, G1 kateqoriyalı yarışın qalibi reytinqinə 10 xal əlavə edib.
