Azərbaycanın və "Qəbələ” İdman Klubunun MMA döyüşçüsü Nəriman Abbasov bu gün növbəti sınağına çıxacaq.
Sportnet.az-ın məlumatına görə, Abbasov Qazaxıstanın Almatı şəhərində təşkil olunacaq "Fight Night Global 86” çərçivəsində qüvvəsini sınayacaq. Yüngül çəkidə mübarizə aparan 24 yaşlı idmançı üç raundluq döyüşdə yerli döyüşçü Adil Boranbayevlə üz-üzə gələcək. İdmançılar turnirdən bir gün öncə rəsmi çəki mərasimində iştirak ediblər.
Qeyd edək ki, qarşılaşma "Almatı Arena”da baş tutacaq. Bu, hesabında 19 qələbə olan Abbasovun 23-cü döyüşüdür. Onun rəqibi isə keçirdiyi 15 görüşdə 9 dəfə qalib gəlib.
