Bu gün Qazaxıstanın paytaxtı Nur-Sultanda güləş üzrə dünya çempionatı start götürüb.
İlk yarış günündə yunan-Roma güləşi üzrə 55 kq, 63 kq, 72 kq və 82 kq çəki dərəcələrində mübarizə baş tutub.
Eldəniz Əzizli ilk görüşdə hindistanlı rəqibinə vaxtından əvvəl qalib gəlib. Dünya çempionu 1/4 finalda cəmi 1 dəqiqə 21 saniyəyə monqolustanlı pəhləvanı devirərək yarımfinala yüksəlib. Ancaq finalın bir addımlığında yerli pəhləvana məğlub olan titullu güləşçi ümidini bürünc medala bağlayıb.
Elman Muxtarov startda erməni rəqibinə uduzaraq mübarizəni dayandırıb.
Sənan Süleymanov debütdə Xorvatiya idmançısını üstələdikdən sonra 1/8 finalda əzmkar qələbə qazanıb. O, Gürcüstan güləşçisi ilə görüşdə 3:5 hesabıyla geridə olsa da, möhtəşəm geridönüş edib. Lakin 1/4 finalda Süleymanov macarıstanlı rəqibi ilə bacarmayıb.
Rafiq Hüseynov təsnifat mərhələsində Moldova təmsilçisini məğlub edib. Ukrayna idmançısı da yığma üzvünə müqavimət göstərə bilməyib. Təcrübəli pəhləvan 1/4 finalda yerli güləşçini də məyus edərək adını yarımfinala yazdırıb. Yarımfinalda İran pəhləvanı ilə qarşılaşma dramatik keçib. Son dəqiqədə əsl əzmkarlıq nümayiş etdirən Hüseynov uğurlu fəndlə qələbə qazanaraq karyerasında ilk dəfə dünya çempionatının finalına vəsiqə qazanıb.
Qeyd edək ki, bu çəkilərdə medal görüşləri sentyabrın 15-də axşam seansında keçiriləcək.
----------------
Bu gün Qazaxıstanın paytaxtı Nur-Sultanda güləş üzrə dünya çempionatı start götürəcək.
Sportnet.az-ın məlumatına görə, ilk yarış günündə yunan-Roma güləşi üzrə qeyri-olimpiya çəki dərəcələri olan 55 ka, 63 kq, 72 kq və 82 kq-da mübarizə baş tutacaq. Azərbaycan təmsilçilərindən Eldəniz Əzizli ötənilki dünya çempionluğu titulunu qorumağa çalışacaq. Onun 1/8 finala təsadüf edən ilk görüşdə rəqibi Hindistan təmsilçisi olacaq.
Elman Muxtarov isə eyni mərhələdə ermənistanlı Slavik Qalstyanla üz-üzə gələcək.
Sənan Süleymanov və Rafiq Hüseynov isə mübarizəyə təsnifat mərhələsindən başıayacaq. Onlar müvafiq olaraq, xorvatiyalı və moldovalı pəhləvanlarla qarşılaşacaqlar.
İlk yarış gününə yarımfinal görüşləri ilə yekun vurulacaq. Təsəlliverici və final görüşləri sentyabrın 14-də yekun vurulacaq.
55 kq
Bürünc medal görüşü: Eldəniz Əzizli - Maks Emilyano Nuri (ABŞ)
1/2 final. Eldəniz Əzizli - Xorlan Jakanşa (Qazaxıstan) - 5:11
1/4 final. Eldəniz Əzizli - Davabandi Munx Erdende (Monqolustan) - 9:0 (tam üstünlüklə)
1/8 final. Eldəniz Əzizli - Manjet Manjet (Hindistan) - 8:0
63 kq
1/8 final. Elman Muxtarov - Slavik Qalstyan (Ermənistan) - 7:14
72 kq
1/4 final. Sənan Süleymanov - Balint Koprasi (Macarıstan) - 0:6
1/8 final. Sənan Süleymanov - Yuri Lomadze (Gürcüstan) - 9:5
Təsnifat. Sənan Süleymanov - Dominik Etlinger (Xorvatiya) 2:0
82 kq
FİNAL. Rafiq Hüseynov - Laşa Qobadze (Gürcüstan)
1/2 final. Rafiq Hüseynov - Said Morad Abvali (İran) - 8:5
1/4 final. Rafiq Hüseynov - Maxat Yerejepov (Qazaxıstan) - 7:1 (vaxtından əvvəl)
1/8 final. Rafiq Hüseynov - Yuri Şkryuba (Ukrayna) - 7:0
Təsnifat. Rafiq Hüseynov - Mihail Bradu (Moldova) - 6:0
Qeyd edək ki, dünya çempionatı Barıs Arena"da keçiriləcək.
