Taekvondo üzrə Azərbaycan milli komandası Avropa Taekvondo Birliyinin Almaniyanın Bonn şəhərində təşkil etdiyi "DTF Presidents Cup" beynəlxalq turnirində 4 medal qazanıb. Sportnet.az-ın məlumatına görə, G2 kateqoriyalı yarışda 80 kq çəkidə çıxış edən Milad Beiqi Herçaqani bütün rəqiblərindən güclü olaraq fəxri kürsünün ən yüksək pilləsinə qalxıb.
Məhəmməd Məmmədov (63 kq) və 54 kq-da mübarizə aparan Məcid Sofiyev turniri ikinci pillədə başa vurub.
Qadın taekvondoçulardan Patimat Abakarova (53 kq) da adını güclülər sırasına yazıdırb və turnirin gümüş medalına sahib çıxıb.
