AVRO-2016-nın "pley-off" mərhələsindəki ilk oyunların başlama saatı müəyyənləşib. Sportnet.az-ın məlumatına görə, noyabrın 12-də Norveç və Macarıstan milliləri üz-üzə gələcək.
Ertəsi gün Bosniya və Herseqovina - İrlandiya matçı keçiriləcək. Nəhayət, noyabrın 14-də Ukrayna - Sloveniya və İsveç - Danimarka qarşılaşmaları baş tutacaq. Kiyevdəki matç Bakı vaxtı ilə saat 21:00-da qalanları saat 23:45-də başlanacaq.
Cavab görüşlərinə gəldikdə, noyabrın 15-də Macarıstan - Norveç, ertəsi gün İrlandiya - Bosniya və Herseqovina, noyabrın 17-də isə Sloveniya - Ukrayna və Danimarka - İsveç qarşılaşmaları təşkil olunacaq. Bütün oyunlar saat 23:45-də başlanacaq.
