İsveç yığmasının futbolçusu Yohan Elmander milli komanda kayerasını bitirdiyini açıqlayıb. Sportnet.az-ın məlumatına görə, 34 yaşlı futbolçu bu barədə baş məşqçi Erik Hamrenlə danışdığını deyib.
O, bunu başqalarının yolunu kəsməməklə əlaqələndirib: "Zlatan İbrahimoviç hər oyunda 90 dəqiqə oynayır. Artıq 4-4-2 düzülüşü ilə oynayırıq. Hücum xəttimiz güclənib. Gələcəyi dünüşünmək lazımdır. Güclü və gənc hücumçularımız var. Belə olan təqdirdə 34 yaşlı bir futbolçuya ehtiyac olmur. Bunu yaxşı başa düşürəm və olduqca təbii bir şeydir".
Qeyd edək ki, ilk dəfə 2002-ci ildə milli komandanın formasını geyinən Elmander 85 oyunda 20 qol vurub.
