Noyabrın 17-də Azərbaycan milli komandası ilə yoldaşlıq görüşündə üz-üzə gələcək Moldova yığmasına daha bir futbolçu çağırılıb. Sportnet.az-ın məlumatına görə, bu, "Sperantsa" klubunda çıxış edən 29 yaşlı yarımmüdafiəçi Aleksandr Maksimdir.
Əvəzində Nikolay Milinçanu və Radu Qınsar heyətə salınmayıb. Milinçanu başından zədə alıb, Qınsarın isə kifayət qədər oyun praktikası yoxdur.
Qeyd edək ki, Bakı Olimpiya Stadionunda keçiriləcək Azərbaycan - Moldova matçı saat 21:00-da başlanacaq.
