"Artıq 2-3 gündür ki, milliyə dəvət olunmuşuq. Heyətə kimin cəlb olunmağı fərq etmir. Yenə həminki əhval-ruhiyyədəyik". Sportnet.az-ın məlumatına görə, bunu jurnalistlərə açıqlamasında Azərbaycan milli komandasının qapıçısı Kamran Ağayev deyib.
Noyabrın 17-də Moldova yığması ilə keçiriləcək yoldaşlıq görüşü haqda danışan təcrübəli əlcək sahibi bildirib ki, hər kəs millinin heyətinə özünü göstərməyə, yoxlanmağa gəlir: "Əsası odur ki, bu milli komandanın oyunudur və əlimizdən gələni edirik".
29 yaşlı qapıçı Moldova ilə keçiriləcək yoldaşlıq oyununa adi baxmadıqlaırnı deyib: "Çünki belə oyunda baş məşqçi sənin nəyə qadir olduğunu, necə hazırlaşdığını görməlidir. Millidə adi oyun olmur və bütün görüşlərin reytinqə təsiri var. Bunu da bütün futbolçular yaxşı bilir. Milliyə çağırılmısansa, əlindən gələni etməlisən".
Qeyd edək ki, Bakı Olimpiya Stadionunda keçiriləcək Azərbaycan - Moldova oyunu saat 21:00-da başlayacaq.
