"Real Madrid" azarkeşləri İspaniya La Liqasının XII turunda "Barselona"ya 0:4 hesablı məğlubiyyətdən sonra klub prezidenti Florentino Peresi istefaya səsləyiblər. Sportnet.az-ın məlumatına görə, istefa şüarları final fiti yaxınlaşdıqca daha gur xarakter alıb.
"Kral klubu" üçün bu, "Sevilya"nın (2:3) ardından ikinci məğlubiyyət olub. Nəticədə lider "Barsa" ilə xal fərqi 6-ya çatıb. Bəzi iddialara görə, "Real Madrid"in lideri Kriştianu Ronaldu baş məşqçi Rafael Benitesin istefaya göndərilməsi barədə rəhbərliyə ultimatum verib. Benitesin isə heyəti məhz klub prezidenti Florentino Peresin təzyiqi ilə qurduğu bildirilir.
