AFFA İntizam Komitəsi 4 komandanı aşağı yaş qrupları üzrə liqalardan kənarlaşdırıb. Sportnet.az-ın məlumatına görə, bunlar Yardımlı "Dinamo"sunun U-14 və U-13, "Lerik Zirvə"nin U-14 və "Sərhədçi"nin U-13 komandalarıdır.
Onlar müvafiq liqalarda 3-cü dəfə oyunlara çıxmadıqları üçün diskvalifikasiya ediliblər.
Ümumiyyətlə, ötən həftə U-14 liqasında 4, U-13 liqasında 2, U-11 liqasında 4, U-10 liqasında 3 oyunda komandaların iştirak etməməsi, yetər sayın olmaması və ya limitin pozulması səbəbindən texniki məğlubiyyətlər qeydə alınıb.
