Türkiyənin 4 böyük komandası arasında keçirilən mini futbol turnirində dava düşüb. Sportnet.az-ın məlumatına görə, hadisə "Qalatasaray" və "Fənərbağça" komandaları arasında oynanılan final matçında baş verib.
"Sarı-qırmızılar"ın futbolçusu Hasan Şaş azarkeşlər mübahisə etdiyi üçün oyunun hakimi tərəfindən qırmızı vərəqə ilə cəzalandırılıb. Bundan sonra hadisəyə digər futbolçular da müdaxilə edib. Daha sonra azarkeşlər arasında dava düşüb və xeyli sayda azarkeş salondan çıxarılıb.
Qeyd edək ki, turnir "Qalatasaray", "Fənərbağça", "Beşiktaş" və "Trabzonspor" komandalarının veteranları arasında keçirilib. Turnirin sonunda "Fənərbağça" çempion adını qazanıb.
