Serbiyanın paytaxtı Belqradda keçirilən futzal üzrə Avropa çempionatında Qazaxıstan yığması sensasiyaya imza atıb. Sportnet.az-ın məlumatına görə, Kakaunun komandası son çempion İtaliyanı məğlubiyyətə uğradıb.
İki komanda arasındakı son 1/4 final matçı 5:2 hesabı ilə nəticələnib. Bununla da Qazaxıstan yarımfinal mərhələsinə son vəsiqəyə sahib çıxıb. Bu komandanın növbəti rəqibi İspaniya olacaq. Digər yarımfinal matçında isə Rusiya ilə Serbiya üz-üzə gələcək. Oyunlar fevralın 11-də keçiriləcək.
Qeyd edək ki, İtaliya yığması qrup mərhələsində Azərbaycanı 3:0 hesabı ilə yenib. Millimiz 1/4 finalda Rusiyaya uduzub - 2:6.
