Rusiya prezidenti Vladimir Putinin şəkili olan futbolkada meydana çıxan Moskva "Lokomotiv"inin yarımmüdafiəçi Dmitri Tarasovu 300 min avro cərimələnib. Sportnet.az-ın məlumatına görə, cərimə futbolçunun çıxış etdiyi klub tərəfindən tətbiq olunub.
Bundan əlavə futbolçu fevral ayında veriləcək bütün mükafatlardan məhrum olub. Üstəlik Tarasov UEFA tərəfindən ən azı 10 oyunluq yaşıl meydanlardan kənarlaşdırıla bilər.
Qeyd edək ki, "Lokomotiv" fevralın 16-da Türkiyənin İstanbul şəhərində Avropa Liqasının 1/16 final mərhələsində yerli "Fənərbağça" klubuna 0:2 hesabı ilə məğlub olub. Matçdan sonra Tarasov futbolkasını çıxararaq Putinin şəkili olan maykasını nümayiş etdirib.
