İspaniyanın "Barselona" klubu "Real Madrid"in rekordunu yeniləyib. Sportnet.az-ın məlumatına görə, kataloniyalılar bütün turnirlər daxil olmaqla ardıcıl 35-ci oyunda məğlubiyyət yaşamayıb.
Luis Enrikenin rəhbərlik etdiyi komanda İspaniya La Liqasının XXVII turunda səfərdə "Rayo Valyekano" ilə keçirilmiş oyunda 5:1 hesablı qələbə qazanaraq bu nəticəyə nail olub.
Madrid təmsilçisi isə 34 oyunluq məğlubedilməzlik seriyasına 1988-1989 mövsümündə çatıb. Həmin ildə "Real Madrid" İspaniya çempionatı və Çempionlar Kubokunun qalibi olub.
Qeyd edək ki, "Barselona" sonuncu məğlubiyyətini La Liqanın VII turunda "Sevilya" ilə səfər oyununda alıb - 0:2.
