Fevralda əməliyyat olan Türkiyənin "Antalyaspor" klubunun baş məşqçisi Joze Moraisə həkimlər tərəfindən təyyarəyə minmək qadağan edilib. Sportnet.az-ın məlumatına görə, portuqaliyalı mütəxəssis bu səbəbdən Super Liqada keçiriləcək "Kasımpaşa" ilə oyuna avtomobillə gedəcək.
Bunun üçün Morais 700 km məsafə qət etməlidir. Komanda bu yolu təyyarə ilə 1 saata gedəcəksə, baş məşqçi 12 saatlıq yol getməli olacaq. Həkimlərin qadağası mövsüm sonunadək olacağı təqdirdə, Morais Super Liqa oyunları üçün 7 min 500 km məsafə qət edəcək.
Qeyd edək ki, Joze Morais fevralın 3-də beyin qanaxması keçirib və bu səbəbdən əməliyyat olunub.
