Fransa milli komandasının Avropa çempionatının final mərhələsinə heyəti açıqlanıb. Sportnet.az saytının məlumatına görə, baş məşqçi vətənlərində keçiriləcək Avro-2016-da sərəncamında olacaq 23 futbolçunun adını açıqlayıb.
Gözlənildiyi kimi, heyətin böyük əksəriyyəti legionerlərdir. Təsadüfi deyil ki, Fransa çempionatından cəmi 5 futbolçu cəlb edilib. Əsas diqqətçəkən məqam "Sevilya"nı ardıcıl 3-cü il Avropa Liqasının finalına çıxmasında böyük rolu olan hücumçu Kevin Qameyronun kənarda alması, yalnız ehtiyat heyətə daxil edilməsidir. "Marsel"in yarımmüdafiəçisi Matye Valbuena isə heç orada da yer almayıb. Heyətdə Mamadu Sako, Franek Riberi, Kərim Benzema kimi ulduz futbolçular yoxdur.
Qapıçılar: Benua Kostil ("Renn"), Yuqo Lloris ("Tottenhem", İngiltərə), Stiv Mandanda ("Marsel")
Müdafiəçilər: Lyuka Din ("Roma", İtaliya), Patris Evra ("Yuventus", İtaliya), Kristof Jalle ("Lion"), Loran Kosyelni ("Arsenal", İngiltərə), Elyakim Manqalya, Bakari Sanya (hər ikisi "Mançester Siti", İngiltərə), Jeremi Matye ("Barselona"), Rafael Varan ("Real Madrid", İspaniya)
Yarımmüdafiəçilər: Yoan Kabay ("Kristal Pelas", İngiltərə), Lassana Diarra ("Marsel"), N Qolo Kante ("Lester", İngiltərə), Blez Matyudi (PSJ), Pol Poqba ("Yuventus", İtaliya), Mussa Sissoko ("Nyukasl", İngiltərə)
Hücumçular: Kinqsli Koman ("Bavariya", Almaniya), Andre=Pyer Jinyak ("Tiqres", Meksika), Olivye Jiru ("Arsenal", İngiltərə), Antuan Qrizmann ("Atletiko Madrid", İspaniya), Antoni Marsyal ("Mançester Yunayted", İngiltərə), Dmitri Paye ("Vest Hem", İngiltərə)
