19 yaşadək futbolçulardan ibarət Azərbaycan yığmasının Bakıda və Makedoniyanın Strumiça şəhərində keçirəcəyi təlim-məşq toplanışı üçün heyəti açıqlanıb. Sportnet.az-ın məlumatına görə, baş məşqçi Nazim Süleymanov hazırlıq prosesinə 23 futbolçu cəlb edib.
Onların arasında 17 yaşadək futbolçular arasında Avropa çempionatında gözəl qolla millimizə Şotlandiya üzərində qələbə qazandırmış Fərid Nəbiyev də var: ElnurOrucov, Süleyman Süleymanov, Amin Seydiyev, Hacıağa Hacıyev, Rövlan Muradov, Baxışəli Baxışəliyev, Elvin Dəmirov, Fərid Nəbiyev (hamısı "Qəbələ"). NicatSüleymanov, Yusif Cəfərov (hər ikisi "Bakı"), Ömər Buludov, Əli Şirinov, Sərxan Əhmədli, BahadurHəziyev ("hamısı "Neftçi"), Tural Bayramlı ("Zirə"), Emin Quliyev, İsmayılİbrahimli (MOİK), Fuad Bayramov (AZAL), Camal Camalov ("İnter"), ƏliƏliyev ("Xəzər Lənkəran"), Xaliqİbrahimov ("Sumqayıt"), MuradXaçayev ("Şaxtyor" Donetsk, Ukrayna), GürkanHervenik ("Fənərbağça", Türkiyə).
Qeyd edək ki, toplanış mayın 23-dən Bakıda, mayın 30-dan iyunun 4-dək isə Strumiçada olacaq.
