"Qəbələ” klubu aparıcı futbolçusu Aleksey Qayla yollarını ayırıb. Sportnet.az xəbər verir ki, bu haqda "qafqazinfo"ya ukraynalı yarımmüdafiəçinin özü açıqlama verib.
O bildirib ki, dəyişiklik zamanıdır və karyerasını başqa komandada davam etdirəcək: "Artıq dəyişiklik zamanıdır. "Qəbələ”dən özüm ayrılmaq istədim. Ona görə də hazırda vətənimdəyəm. Karyeramı başqa komandada davam etdirəcəyəm”.
Qay Azərbaycandakı karyerasını uğurlu adlandırıb: "Azərbaycanda karyeram uğurlu alındı. "Qəbələ” ilə Avropa Liqasının qrup mərhələsində oynadıq. Çempionatda bürünc medal qazandıq. Hər şey məni qane edirdi”.
Qeyd edək ki, Aleksey Qay "Qəbələ"də 2015-ci ilin yayından çıxış edirdi.
