Moldova yığmasının baş məşqçisi İqor Dobrovolskiy təlim-məşq toplanışı çərçivəsində İsveçrə və Xorvatiyaya qarşı keçirəcəkləri oyunlar üçün yekun heyəti açıqlayıb. Sportnet.az-ın məlumatına görə, siyahıda iki qapıçısı yer alıb.
Onlar AZAL-ın qapıçısı Stanislav Namaşko və "Mordoviya"da çıxış edən İlya Çebanudur. Baş məşqçi yoldaşlıq görüşlərində 7 müdafiəçi, 9 yarımmüdafiəçi və 2 hücumçuya şans verəcək.
Qeyd edək ki, Moldova mayın 27-də Xorvatiya, iyunun 3-də isə İsveçrə ilə qarşılaşacaq.
