Avro-2016-nın açılış oyununun hakimləri müəyyənləşib. Sportnet.az-ın məlumatına görə, iyunun 10-da keçiriləcək Fransa - Rumıniya matçını Viktor Kaşşainin başçılıq etdiyi macarıstanlı hakimlər briqadası idarə edəcək.
Kaşşaiyə yan xətdə Dyerd Rinq ilə Ventsel Tot kömək edəcəklər. Qapı arxasında hakimlər Tamaş Boqnar ilə Adam Farkaşdır. Oyuna ehtiyat hakimlər isə hollandiyalılar Byonr Kuyperslə Sander van Rukel təyin olunub.
Qeyd edək ki, matç Bakı vaxtı ilə saat 23:00-da başlanacaq.
