Bu gün futbol üzrə Avropa çempionatının ilk yarımfinalçısı müəyyənləşib. Sportnet.az-ın məlumatına görə, AVRO-2016-da günün tək oyununda Polşa və Portuqaliya komandaları üz-üzə gəlib.
Oyunda qollar hələ ilk hissədə vurulub. Hər komanda bir dəfə rəqib qapısına yol tapıb və nəticədə 90 dəqiqəlik mübarizə heç-heçə nəticələnib. Bununla da POrtuqaliya AVRO-2016-da yenə əsas vaxtda heç-heçə oynayıb.
Polşa isə 1/8 finalda olduğu kimi, cütün taleyini oyunsonrası penaltilər seriyasında həll etməli olub. Ancaq bu dəfə bəxt polşalıların üzünə gülməyib. Yığmanın təcrübəli futbolçusu Yakub Blaşikovskinin qeyri-dəqiq zərbəsi həlledici olub. Portuqaliyaya qələbəni yenə sonradan meydana çıxan yarımmüdafiəçisi Rikardo Quaresma qazandırıb. "Beşiktaş"ın futbolçusu Xorvatiya ilə 1/8 final matçının əlavə vaxtında fərqlənmişdisə, bu dəfə son penaltini dəqiq yerinə yetirib.
Qeyd edək ki, Portuqaliya yarımfinalda Uels - Belçika cütünün qalibi ilə görüşəcək. Gəmin 1/4 final matçı bu gün keçiriləcək.
Avropa çempionatı, 1/4 final
30 iyun
23:00. Polşa - Portuqaliya - 1:1 (oyunsonrası penaltilərlə - 3:5)
Qollar: Robert Levandovski, 2 - Renato Sançes, 33
Oyunsonrası penaltilər seriyası: Kriştianu Ronaldu (0:1), Robert Levandovski (1:1), Renato Sançes (1:2), Arkadius Milik (2:2), Joao Moutinyo (2:3), Kamil Qlik (3:3), Nani (3:4), Yakub Blaşikovski (3:4, qapıçı), Rikardo Quaresma (3:5)
Polşa: 22. Lukas Fabianski, 2. Mixal Pazdan, 3. Artur Yedrzeyçik, 5. Kristof Maçzinski, 7. Arkadius Milik, 9. Robert Levandovski (k), 10. Qrzeqorz Kriçovyak, 11. Kamil Qrosiçki, 15. Kamil Qlik, 16. Yakub Blaşikovski, 20. Lukas Pişek
Ehtiyat oyunçular: 1. Voyçex Şesnı, 6. Tomas Yodlovyeç, 8. Karol Linetti, 12. Artur Boruç, 13. Marius Stepinski, 14. Yakub Vavrzinyak, 17. Slavomir Peşko, 18. Bartos Salamon, 19. Pyotr Zelinski, 23. Filip Starzinski
Baş məşqçi: Adam Navalka
Portuqaliya: 1. Rui Patrisio, 3. Pepe, 4. Joze Fonte, 7. Kristiano Ronaldo, 10. Joa Mario 14. Villiam Karvalyo, 16. Renato Sançes, 17. Nani, 19. Eliseu, 21. Sedrik, 23. Adrien Silva
Ehtiyat oyunçular: 12. Antoni Lopes, 22. Eduardo, 2. Bruno Alves, 5. Rafael Gerrero, 6. Rikardo Karvalyo, 8. Joao Moutinyo, 9. Eder, 11. Vierinya, 15. Andre Qomes, 18. Rafa Silva, 20. Rikardo Quaresma,13. Danilo
Baş məşqçi: Fernandu Santuş
Baş hakim: Feriks Brıx
Yan xətt hakimləri: Mark Borş, Ştefan Lupp
Əlavə köməkçi hakimlər: Bastian Dankert, Marko Frits (hamısı Almaniya)
Dördüncü hakim: Milorad Majiç
Ehtiyat köməkçi hakim: Milovan Ristiç (hər ikisi Serbiya)
Hakim-inspektor: Pyerluici Kollina (İtaliya)
UEFA nümayəndəsi: Roland Ospelt (Lixtenşteyn)
Marsel. "Velodrom" stadionu
Qeyd edək ki, 1/4 finalın digər oyunları 1 - 3 iyulda keçiriləcək.
