Azərbaycanlı FİFA hakimi Əliyar Ağayev Avropa çempionatının oyununa baş hakim təyin olunub. Sportnet.az-ın məlumatına görə, Ağayev 19 yaşadək yığma komandaların qitə çempionatının final mərhələsində İtaliya - Avstriya matçında ədalət təmsilçisi olacaq. Görüş sabah Bakı vaxtilə saat 14:00-da başlayacaq.
Bu, A qrupunda 2-ci turun oyunudur. Ağayev ilk turda B qrupunda Xorvatiya - Hollandiya (1:3) matçında ukrayalı Anatoli Zabçenkonun başçılıq etdiyi briqadada 4-cü hakim kimi yer alıb.
Xatırladaq ki, İtaliya Almaniyada keçirilən final mərhələsinə meydan sahibləri üzərində 1:0 hesablı qələbə ilə başlayıbsa, Avstriya Portuqaliya ilə heç-heçə edib - 1:1.
