AVRO-2016-nın daha bir iştirakçısında baş məşqçi istefası olub. Sportnet.az-ın məlumatına görə, Belçika millisinin baş məşqçisi Mark Vilmots vəzifəsindən gedib.
Buna səbəb belçikalıların final mərhələsində uğursuz çıxışı olub.
47 yaşlı belçikalı mütəxəssisin müqaviləsi 2018-ci il dünya çempionatınadək olsa da, Belçika Futbol Federasiyası onu həmin vaxtadək postunda saxlamağı məqsədəuyğun saymayıb. Qarşılıqlı razılığa əsasən müqaviləyə vaxtından əvəvl xitam verilib. Belçikalılar sentyabrın 1-də keçiriləcək İspaniya yığması ilə yoldaşlıq görüşünədək yeni baş məşqçi məsələsini həll etməyə çalışacaq.
Millini 2012-ci ildən çalışdıran Vilmots həm mundialda, həm də qitə birinciliyində yığmanı 1/4 final mərhələsinə çıxarsa da, bu, uğurlu nəticə sayılmayıb. Ancaq digər tərəfdən, Vilmots yığmanı FİFA reytiqndən 54-cü pillədən 1-ci yerədək yüksəldə bilib. İndisə Belçika millisi 2-ci pillədə qərarlaşıb.
