Azərbaycan Premyer Liqasının gümüş medalçısı "Zirə" Türkiyəyə gedəsi olub. Sportnet.az-ın məlumatına görə, iyulun 15-də qardaş ölkədə baş verən məlum hadisələrlə bağlı komandanın qardaş ölkədə planlaşdırılan təlim-məşq toplantısı baş tutmamışdı.
Türkiyədəki vəziyyəti nəzərə alan klub rəhbərliyi hazırlığın Bakıda davam etdirilməsini qərara almışdı. Ancaq qardaş ölkədə hadisələrin səngiməsi, yoxlama oyunları və hazırlıq üçün hava şəraiti baxımından daha əlverişli olan Bolu variantını yenidən gündəmə gətirib.
Belə olan halda baş məşqçi Adil Şükürovun istəyi ilə komanda bu gün səhər qardaş ölkəyə yola düşüb. "Qartallar” Bolu toplantısı zamanı iki yoxlama oyununda qüvvəsini sınayacaq. Təlim-məşq toplanışı iyulun 30-dək davam edəcək.
"Zirə” səfərə çıxmamış daha bir yoxlama oyununda qüvvəsini sınayıb. Zirəlilər əvəzedici heyəti ilə qüvvəsini sınayıb. Mehdi Hüseynzadə adına Sumqayıt şəhər stadionunda keçirilən qarşılaşma qolsuz bərabərliklə başa çatıb.
