Françesko Qvidolin İtaliyanın "Udineze" komandasının baş məşqçi postundan istefa verib. Sportnet.az-ın klubun rəsmi saytına istinadən məlumatına görə, Qvidolin Campaolo Potso ailəsinə məxsus olan "Qranada" və "Uotford" klublarını kurasiya edəcək.
Daha öncə onun Rusiya "Spartak"ına rəhbərlik edəcəyi bildirilirdi. Lakin təcrübəli mütəxəssis bu xəbərləri təkzib etmişdi.
Qeyd edək ki, Françesko Qvidolin "Udineze"yə 2010-cu ildə baş məşqçi təyin olunub. Son mövsümdə "zebrlər" A seriyasını 13-cü pillədə başa vurublar.
