"Qəbələ" klubu Peşəkar Futbol Liqasına məktub ünvanlayaraq Premyer Liqanın II turunda "İnter"lə keçiriləcək oyunun yerinin dəyişdirilməsi xahiş edib. Sportnet.az-ın məlumatına görə, stadionunun süni örtüklü olması əsas gətirilərək, səbəb kimi komandanın Avropa Liqasının pley-off mərhələsində "Maribor” (Sloveniya) klubu ilə hər iki görüşünün təbii örtüklü stadionda keçiriləcəyi göstərilib.
"Qəbələ"nin beynəlxalq miqyaslı oyunlarını nəzərə alan PFL "İnter" klubunun razılıq məktubuna əsasən aşağıdakı qərarları qəbul edib.
1. Azərbaycan Premyer Liqasının II turunun "Qəbələ" – "İnter" matçı 12 avqust tarixində "Dalğa Arena"da keçirilsin.
2. I dövrənin görüşünün meydan sahibi "Qəbələ" klubu, hər iki klubun iştirakı ilə ikinci dövrənin matçında meydan sahibi kimi "İnter" klubu təsdiq edilsin.
Qeyd edək ki, oyun avqustun 12-də keçiriləcək.
