"Cənubi afrikalı futbolçu Dino Ndlovunun komandamıza keçidi ilə bağlı danışıqlar aparırıq. Ancaq transfer günədimizdə olan yeni hücumçu təkcə o deyil". Bu fikirləri Sportnet.az-a açıqlamasında "Qarabağ"ın direktoru Əmrah Çəlikəl bildiirb. O, Kipr "Anortosis"inin 26 yaşlı hücumçusu Dino Ndlovunun transfer etmək fikrində olduqlarını və bununla bağlı klubuyla danışıqlar apardıqlarını təsdiqləyib.
Ancaq Çəlikəlin sözlərinə görə, hədəf yalnız bu forvard deyil: "Biz hücum xəttinə təkcə Dino ilə yox, bir neçə legionerlə danışqılar aparırıq. Ndlovunu hələ ki transferimiz saymaq olmaz. Çünki bunun olması üçün futbolçu ilə rəsmi müqavilə bağlamaq lazımdır. Bu isə hələ ki reallaşmayıb. Anlaşmanın imzalanması üçün legioner tibbi müayinədən keçməli və bu kimi məsələlər həllini tapmalıdır".
Kipr mətbuatılnın yazdığına görə, "Qarabağ" Ndlovuya görə "Anortosis"ə 350 min avro təklif edib və kiprlilər bu məbləğə razılaşıb. Çəliləl buna belə münasibət bildirib: "Biz futbolçularımızın transfer məbləğini açıqlamırıq. Bu, klubun daxili işidir".
Qeyd edək ki, 2012-ci ildən millisinə çağırılan Ndoluvu ötən mövsüm "Anortosis"də 29 oyuna 16 qol vurub.
