"AZAL-la oyundan sonra bir gün istirhət edib "İnter"lə matçın hazırlığına başlamışıq. Ciddi məşq edirik". Sportnet.az-ın məlumatına görə, bunu "Kəpəz"in futbolçusu Kərim Diniyev klub saytına açıqlamasında deyib.
bakı "İnter"i ilə keçiriləcək matçdan söz açan futbolçu bunları bildirib: "İlk iki turda itirilən xalların bizim üçün çox vacib olduğunu başa düşürük və bunu sığortalamaq naminə qarşıdakı görüşdə əlimizdən gələni edəcəyik ki, qələbə qazanaq. Çempionata arzulanan kimi başlamamışıq. Premyer Liqanın birinci turunda öz səhvlərimizdən uduzduq. İkinci matçda heç-heçə etdik. Olduqca isti havada mübarizə apardıq. Belə şəraitdə meydanda dayanmaq çox çətin idi. Amma bu bahənə olmamalıdır. Futbolçu istənilən havada oynamağı bacarmalıdır. Sadəcə, oyunumuz alınmadı. Hər şeyi unudub qarşıdakı oyunlara köklənmişik".
Qeyd edək ki, avqustun 19-da "İnter Arena"da keçiriləcək "İnter" - "Kəpəz" oyunu saat 21:00-da başlayacaq.
