"Futbolçularımızın çoxu xeyli zəif oynadı. "Qarabağ" ikinci heyətlə oynasa da, bizdən üstün idi". Sportnet.az-ın məlumatına görə, bunu "Neftçi"nin baş məşqçisi Qurban Qurbanov "Qarabağ"a 0:3 hesabı ilə uduzduqları Azərbaycan Premyer Liqasının III tur matçından sonra CBC Sport-a deyib.
47 yaşlı mütəxəssis bildirib ki, ikinci hissədə komandası nisbətən yaxşı çıxış etsə də, istəyinə nail ola bilməyib. O, Cavid İmamverdiyevlə kapitan Araz Abdullayevin start heyətində yer almamasının səbəbini də açıqlayıb: "Komandada problemlər var. Onlar tapşırıqları düzgün yerinə yetirmirlər. Bu səbəbdən, heyətdə yer almırlar".
