"Neftçi” hazırlığını natamam heyətlə davam etdirir. Sportnet.az-ın məlumatına görə, "ağ-qaralar"ın 10 futbolçusu müxtəlif səbəblərdən məşqlərdə iştirak etmir.
Araz Abdullayev, Rəhman Hacıyev və Ruslan Qurbanov milli komandamızın, Rahil Məmmədov və Fəhmin Muradbəyli U-21 yığmamızın düşərgəsindədir. Müdafiəçi Vançe Şikov isə Makedoniya millisinə çağırılıb.
Bundan əlavə, Dario Melnyak, Məqsəd İsayev və Murad Ağayev zədə səbəbindən məşqlərə qatılmayıb, Elşən Abdullayev isə fərdi olaraq məşqlərini davam etdirir. Göründüyü kimi, "Neftçi"nin 10 futbolçusu müxtəif səbəblərdən məşqlərə qatılmır.
Qeyd edək ki, dünən klubun təlim-məşq bazasında məşq edən "Neftçi” bu gün İsmət Qayıbov adına təlim-məşq bazasında hazırlıq keçəcək.
