"Qarabağ"ın cənubu afrikalı legioneri Dino Ndlovu Azərbaycan Premuyer Liqasında AZAL-a 6:0 hesabı ilə qalib gəldikləri ev matçından sonra müsahibə verib. Sportnet.az-ın məlumatına görə, hücumçu jurnalistlərin suallarını cavablandırıb.
- Oyun barədə fikirlərini bilmək istərdik...
- Asan qələbə qazandıq. İlk hissədə vurduğumuz 3 qol oyunun taleyini həll etdi. AZAL-a hörmətlə yanaşırıq. Lakib bu gün daha güclü idik.
- 6 qol vurulsa da, sən fərqlənə bilmədin...
- Əsas odur ki, 3 xal bizim oldu. Növbəti oyunlarda fərqlənməyə çalışacam.
- Komandaya uyğunlaşmısan?
- Mənim üçün adaptasiya olmaq çətin deyil. Düzdür, qol vurmasam da, komandaya uyğunlaşmışam. Növbəti matçlarda fərqlənəcəyimə inanıram.
- "Slovan”la matç haqda nə fikirləşirsən?
- Həmin qarşılaşma bu oyundan fərqli olacaq. Avropa Liqasında uğurlu çıxış etmək istəyirik. Evdə mütləq qələbə qazanmalıyıq.
- "Slovan”ın məşqçisi bildirdi ki, hər iki oyunda "Qarabağ”ı məğlub edə bilərik...
- Bu, məni maraqlandırmır. Biz evdə oynayırıq və qələbə qazanmalıyıq. Azarkeşlərimizin önündə yalnız qələbə bizi qane edir. "Qarabağ”ın "Viktoriya” ilə oyunu izləmişdim. Sadəcə bəxtimiz gətirməmişdi. "Slovan”ı məğlub edəcəyimizə inanıram.
- "Slovan”ı "Qarabağ”la eyni səviyyəli komanda hesab etmək olar?
- Qətiyyən. Biz "Slovan”dan güclü komandayıq və bunu meydanda sübut edəcəyik.
