Azərbaycan Premyer Liqasında yeni bombardiri müəyyənləşib. Sportnet.az-ın məlumatına görə, bu, "Qəbələ"nin fransalı legioneri Baqali Dabodur.
28 yaşlı hücumçu "Neftçi"yə səfərdə 8:0 hesabı ilə məğlub etdikləri matçda həm cari çempionatda ilk het-trikin müəllifi olub, həm də 4 qolla bombardirlər yarışında liderliyə yüksəlib. O, bunadək şərikli lider olan Ruslan Abışovla ("İnter")
braziliyalı Reynaldo Silvanı ("Qarabağ") arxada qoyub.
Dabo ilk qolunu Premyer Liqamızda debütündə - "Kəpəz"ə 2:0 hesabı ilə qalib gəldikləri oyunda imza atıb.
Bu yay "Qəbələ”yə gələn legioner uzun müddət qol vura bilmirdi. İlk qol məhz "Kəpəz”ə olub və fransalı bundan sonra Avropa Liqasında da fərqlənə bilib.
Maraqlıdır ki, Baqali ona da "Dalğa Arena”da nail olub və pley-off mərhələsində Sloveniyanın "Maribor” klubuna 3:1 hesabı ilə qalib gəlidkləri matçda dubl edib. Göründüyü kimi, hücumçu 1 ayda 3 oyunda 6 qol vurub.
