"Neftçi" klubu yeni futbolçusu Jonas Enrike Pessallinin növbəti oyunlarda meydana çıxması üçün sifariş edib. Sportnet.az-ın məlumatına görə, bu barədə "Report"a Peşəkar Futbol Liqasının (PFL) Texniki-İdman şöbəsinin rəisi Zamiq Hüseynov bildirib.
26 yaşlı braziliyalı yarımmüdafiəçi "ağ-qaralar"ın heyətində 90 nömrəli forma ilə çıxış edəcək. Klub digər iki transferi - müdafiəçi Mahir Şükürov və serbiyalı qapıçı Boban Baykoviçin sənədlərini isə PFL-ə göndərməyib.
Qeyd edək ki, mövsüm sonunadək "Neftçi"nin uğurları üçün çalışacaq Pessali "Qremio”nun yetirməsidir və karyerası ərzində "Qremio Barueri”, Fransanın "Anje” və "Luson” klublarında çıxış edib.
