"Neftçi" üçün "Zirə" kabusu davam edir. Sportnet.az-ın məlumatına görə, "ağ-qaralar" 1992-ci ildən fasiləsiz çıxış etdikləri milli çempionatımızda yalnız bu rəqibə qalib gələ bilməyib.
Komandalar artıq 6 dəfə görüşüb. Zirədəki bütün oyunlar meydan sahiblərinin qələbəsi ilə nəticələnib. Özü də "Neftçi" "Zirə"yə səfərdə qol da vura bilməyib - 2 dəfə 0:2, 1 dəfə 0:3. "Neftçi" cari çempionatda ilk məğlubiyyətini evdə məhz Adil Şükürovun komandasından alıb - 0:1. Flaqman zirəlilələrə 6 oyunda yalnız 1 qol vuraraq bunu sayəsində 1 xal qazana bilib. Bu, ötən mövsüm "Bakcell Arena"da artıq komandada olmayan hücumçu Ruslan Qurbanovun qolu sayəsində 1:1 hesablı bərabərlikdir.
Bu matçlarda "Zirə"də eyni baş məşqçi olubsa, "Neftçi"ni 4 çalışdırıcı - Samir Əliyev, Əsgər Abdullayev, Vəli Qasımov və Elxan Abdullayev meydana çıxarıb. Sonuncu bu rəqibə qarşı ilk matçında məğlbiyyətdən qaça bilməyib.
