Bu gün Qol.az saytının fəaliyyətə başlamasından 8 il ötür.
Sportnet.az-ın məlumatına görə, 2008-ci ilin bu günü, noyabrın 17-də Qol.az idman-xəbər saytı olaraq oxucularla görüşə gəlib və qısa bir zamanda Azərbaycanın idman mətbuatında böyük populyarlıq qazanıb.
Dünyanın ən etibarlı sayğac sistemi olan "Google analytics”in göstəricilərinə əsasən, son üç il ərzində Qol.az Azərbaycanın ən çox oxunan idman portalıdır. Gün ərzində on minlərlə oxucu idman, xüsusilə futbol xəbəri əldə etmək üçün məhz Qol.az-ı seçir.
Qeyd edək ki, Azərbaycan Mətbuat Şurasının üzvü olan Qol.az saytı "5 Media" şirkətinin media layihələrindən biridir.
Sportnet.az Qol.az-ı ad günü münasibətilə təbrik edir, saytın əməkdaşlarına daha böyük yaradıcılıq uğurları arzulayır.
