Almaniyanın "Bavariya" klubunun futbolçusu Aryen Robben "Borussiya" (Dortmund) ilə superkubok matçında iştirak etməməsinin səbəbini açıqlayıb. Sportnet.az-ın klubun rəsmi saytına istinadən məlumatına görə, futbolçu yeni mövsümə hazır olmadığını və bunun üçün zamana ehtiyacı olduğunu bildirib:
"Yeni mövsümə hazır deyiləm. Daha çox çalışmalıyam ki, əvvəlki formamı bərpa edim. Bu il yüksək səviyyəli oyun nümayiş etdirmək istəyirəm. Bunun üçün də bir qədər zamana ehtiyacım var".
Qeyd edək ki, Robben 2009-cu ildən "Bavariya"nın şərəfini qoruyur.
