"Xəzər Lənkəran”ın sabiq baş məşqçisi Mustafa Dənizlinin yeni iş yeri məlum olub. Sportnet.az-ın Türkiyə mətbuatına istinadən məlumatına görə, təcrübəli mütəxəssis bu dəfə klubda yox, televiziya kanalında çalışacaq.
Türkiyədə yeni mövsümün başlanmasına az qalmış TV kanallarda yayımlanacaq idman verilişlərinin heyətləri bəlli olub. Ötən mövsüm Sergen Yalçının iştirak etdiyi Lig TV-də yayımlanan "Maraton” futbol verilişinə, bu il Mustafa Dənizli şərhçi olaraq dəvət olunub.
Qeyd edək ki, proqram Şansan Büyükanın təqdimatında efirə gedəcək.
