Sabiq FİFA referisi Fariz Yusifov Azərbaycan Premyer Liqasının cari mövsümündə yubiley oyununa çıxacaq. Sportnet.az-ın məlumatına görə, 45 yaşlı ədalət təmsilçisi üçün fevralın 19-da keçiriləcək "Qəbələ" - "Qarabağ" matçı bu çempionatda baş hakim kimi 10-cu matç olacaq.
Yusfiov cari çempionatda "Qəbələ" ilə "Qarabağ"ın hərəsinin 2 qarşılaşmasını idarə edib. Ancaq bunlardan heç biri komandaların görüşü olmayıb. Düzdür, Yusifov liderlərin ilk dövrədə Qəbələdəki oyununda da təyinat almışdı. Sadəcə, meydan sahiblərinin 2:0 hesabı ilə qlaib gəldiyi həmin matçda beynəlxalq dərəcəli referi əlavə hakim köməkçisi olub. O, "Qəbələ" ilə "Qarabağ"ın digər oyunlarında da qapı arxasında iş başında olub.
Yusifovun bu çempionatda baş hakim olduğu hər 9 oyun meydan sahibləri üçün uğurlu alınıb. Təsadüfi deyil ki, ki, qonaqlar bu qarşılamaların heç birində qlaib gələ bilməyərək ən yaxşı halda heç-heçə ediblər. "Qəbələ" Yusifovun baş hakimi olduğu matçlatda evdə "Kəpəz"lə "Neftçi"ni qol buraxmadan məğlub edib. "Qarabağ" da öz meydanında "Kəpəz"i qol buraxmadan yensə də, "İnter"lə ev matçında xal itirib. Yusifovun qonaqlarla bğlı uğursuz ənənəsi davam edərsə, statistika "Qarabağ" Qəbələdə qalib gələ bilməyəcəyini göstərir.
Fariz Yusifovun cari çempionatda baş hakimi olduğu oyunlar
I tur - "Qəbələ" - "Kəpəz" - 2:0
III tur - "Zirə" - AZAL - 3:1
V tur - "İnter" - "Neftçi" - 2:1
VII tur - "İnter" - "Zirə" - 1:1
IX tur - "Kəpəz" - "İnter" - 0:0
XII tur - "Qarabağ" - "Kəpəz" - 1:0
XIV tur - "Qarabağ" - "İnter" - 0:0
XVI tur - "Qəbələ" - "Neftçi" - 1:0
XVIII tur - "Neftçi" - "Sumqayıt" - 1:0
