Əlcəzairin "Bicayya" klubunun futbolçusu Yusif Tuati dünyasını dəyişib.
Sportnet.az-ın RMC-yə istinadən verdiyi məlumata görə, 28 yaşlı yarımmüdafiəçi avtomobil qəzasında dünyasını dəyişib.
Hadisə Fransada, Paris - Lİll yolunda baş verib. Tuatinin avtomobili içərisindən Brüssel qastrolundan geri dönən müğənni Cenifer Bartolinanın da olduğu mikroavtobusla toqquşub. Nəticədə Tuati və 23 yaşlı sevgilisi hadisə yerində keçinib.
Qeyd edək ki, Əlcəzair əsilli fransalı Y.Tuati karyerası ərzində Fransanın "Dijon", "Red Star", "İstr" kimi klublarda çıxış edib.
