"Mançester Yunayted" klubunun hücumçusu Zlatan İbrahimoviç İngiltərə Futbol Assosiasiyasının qərarı ilə üç oyunluq diskvalifikasiya olunub.
Sportnet.az xəbər verir ki, İbrahimoviç həmçinin belə hallar üçün nəzərdə tutulan standart cəriməni ödəməli olacaq. İsveçli forvard "Bornmut"la 1:1 hesablı heç-heçə etdikləri oyundakı epizoda görə cəzalandırılıb. Müdafiəçi Tayron Minqz onun başına toxunub, cavab olaraq isə üzündən dirsək zərbəsi alıb.
İbrahimoviç "Çelsi" ilə Kubok oyununu, həmçinin "Sautgempton" və "Midlsbro" ilə çempionat qarşılaşmalarını buraxacaq.
