"Oyun həm maraqlı, həm də çətin keçdi. Meydanda bərabər səviyyədə mübarizə getdi. Hər iki komandanın real qol epizodları oldu. Almaniya ilə oyunöncəsi yaxşı təcrübə qazandıq".
Sportnet.az xəbər verir ki, bunu affa.az-a açıqlamasında Azərbaycan milli komandasının yarımmüdafiəçisi Namik Ələsgərov deyib.
Gənc futbolçu Qətərlə yoldaşlıq görüşündə start heyətində meydana çıxıb. Ələsgərov dünya çempionatının seçmə mərhələsi çərçivəsində keçiriləcək Almaniya ilə görüşə də toxunub: "Bu matç bizdə özünəinamı artırdı. Almaniya ilə qarşılaşmada hansı taktiki sxemlə oynayacağımıza Robert Prosineçki qərar verəcək. Bizim işimiz həmin matça ciddi hazırlaşmaqdı".
